UGUHIMBAWA UMUNSI MPUZAMAKUNGU WAHARIWE GUKARABA IMINWE N’AMAZI N'ISABUNI IGENEKEREZO RYA 15 GITUGUTU 2016

ITANGAZO RYISHIRAHAMWE  Association Action Santé Communautaire « ASCO »

MUGUHIMBAWA UMUNSI MPUZAMAKUNGU  WAHARIWE GUKARABA  IMINWE N’AMAZI NISABUNI   IGENEKEREZO RYA 15 GITUGUTU  2016. 

Kw’igenekerezo RYA 15 GITUGUTU  2016,  umwaka ugira Icenda   hahimbazwa  UMUNSI MPUZAMAKUNGU  WAHARIWE GUKARABA  IMINWE N’AMAZI N’ISABUNI. Ishiraha, we ASCO  ryishinze gutezimbere Amagara meza rusangi ribicishije muguhimiriza  abantu kugira isuku n’ugukungira ibidukikije  riboneye ho akaryo ko guhimiriza abarundi kugira umugenzo wo gukaraba  iminwe n’amazi n’isabuni  kugira twikingire indwara ziterwa n’isuku rike  hanwe  kandi nukubamenyesha ingarukambi  ku magara yacu biturutse kw’isuku rike.

Uno mwaka  2016,  uyu  munsi  MPUZAMAKUNGU WAHARIWE GUKARABA  IMINWE N’AMAZI NISABUNI tuwuhimbaje twisunze iki civungo « TUMENYERE GUKARABA N’AMAZI MEZA N’ISABUNI » 

Dushaka gukangurira abantu bose nacane cane abarundi bose kumenya akamaro kuwo mugenzo wa gukaraba n’amazi meza n’isabuni kuko ni bwo buryo bworoshe, buzimbutse  kandi burashe bwo kwikingira indwara.

Twijukire rero gukaraba iminwe n’amazi mewa nisabuni kubera   ni urucanco ruwimbutse mugukinga indwara  rukongera rukarokora ubuzima bwabantu benshi na cane cane abana batarakwiza imyaka itanu.

ASCO iboneye ho akaryo ko guhimiriza abantu bose gukaraba namazi n’isabuni ibihe bitanu nyamukuru arivyo vyibi: imbere yo gutegura imfungurwa, imbere yo gufungura, imbere yo kwonsa umwana, inyuma yugukoresha akazu ka surwumwe n’inyuma y’ugutegura umwana yagize umwanda mukuru.

ASCO iribukije ko ukutagira isuku, isuku rike hamwe no kudakaraba n’amawi meza n’isabuni

Bituma indwara zibiza nka Choléra ; umusonga (Pneumonie), agasama (rougeole, ) indwara zamaso (trachome, conjoctivite), typhoïde, grippe, igituntu (tubercuose) Imibembe(lèpre), Hépatite n’inzoka zo munda (vers intestinaux) cane cane ascaridiase na  trichocéphalose hamwe n’izindi ndwara dushobora kwikingira ziyongera kubwinshi.

Umugezo woroshe, uzimbutse kandi ngirakamaro, ugukaraba n’amazi meza n’isabuni bituma indwara zo gucibwamwo zigabanuka kurugero rw’ibice 44kw’ijana (44%) n’ica gatatu kw’ijana c’indwara z’uguhema nabi  n’umusonga kubana bari munsi y’imyaka itanu.

ugukaraba n’amazi meza n’isabuni basanwe aribwo buryo bwo gukinga indwara buzimbutse kandi bushobora gukiza ubuzima bw’abantu benshi nacane cane abana kuko aribo bagera,irwa n’izo ndwara kurusha abandi.

Nanone ugukaraba n’amazi meza n’isabuni iyo tubikoze neza kandi tuka bigira umugenzo  ni urucanco rukomeye tuba twihaye kandi   rudufasha gukunga indwara n’ukurokora ubuzima.

Ugukaraba n’amazi meza n’isabuni inyuma y’ugukoresha akazu ka surwumwe n’inyuma y’ugutegura umwana yagize umwanda mukuru birazitira kwandura imigera itandukanye n’inzoka zitera indwara zo gucibwamwo.

Mukurangiza, ASCO iramenyesheje abarundi bose ko gukaraba n’amazi meza n’isabuni ari nkenerwa ku muntu wese kugira agira amagara meza.

 TUMENYERE GUKARABA N’AMAZI MEZA N’ISABUNI » 

Iminsi yose Dukarabe n’amazi meza n’isabuni twirinde Indwara !

Théophile NDAYISENGA

REPRESENTANT LEGAL DE L'ASCO