UMUNSI
MPUZAMAKUNGU WAHARIWE GUKARABA NAMAZI NISABUNI
Umunsi
ugira umunani uhimbajwe hisunzwe icivugo « IMINWE
YACU NIYO KAZOZA KACU »
Ø Uno munsi duhimbaza buri mwaka kwisango rya 15gitugutu ufise
intumbero yo kudukangurira kugira inyifato n’umugenzo wo kugira isuku
kubanyagihugu bose na cane cane Ku bana kugira twikungire indwara zandukira
biciye mw’isuku rike .
Ø Ishirahamwe
Action Santé Communautaire ASCO mumpfunyapfunyo ryiyemeje guteza imbere amagara
meza rusangi ribicishije muguhimiriza no kwigisha ibijanye n’isuku hamwe no
gukingira ibidukikije ariyo nkingi y’iterambere rirama
Ø Ishirahamwe
ASCO ririfatanya n’amakungu muguhimbaza uwo munsi MPUZAMAKUNGU WAHARIWE
GUKARABA NAMAZI NISABUNI Mu ntumbero yoguhimiriza abantu bose akamaro
kogukaraba iminwe namazi meza n’isabuni. Umugenzo ukomeye mubijanaye
n’iterambere rirama mu mibano cane cane ku bibondo bo Burundi bwejo nakazoza
k’igihugu cacu.
Ø Ugukaraba
iminwe namazi nisabuni mubihe bikwiriye birarokora ubuzima
Ø Turashobora
guhagarika indwara kubera kugirira isuku iminwe
Ø Ibice mirongo ibiri kwijana vyindwara zuguhema nabi turashobora
kuzikingira mugihe dukaravye neza iminwe.
Ø Ugukararaba iminwe n’amazi nisabuni birakingira indwara cane cane
abana , abanyeshure barikwishure bakaja gukina mukibuga bakaja mu kazu ka
surwumwe bakongera bakaja kugura utwo bafungura haba kuma butike yishure canke
ayegereye hafi yaho bigira batigeze bibuka gukaraba imwe yabo n’amazi nisabuni
neza.
Ø « Mubihugu
bikenye niho umugenzo wogukaraba iminwe n’amazi nisabuni birikurugero rwohasi
cane ugereranije nahandi mubihugu bitunze naho uwo mugenzo ari ngirakamaro
kumagara yibibondo. » nkuko bishikirizwa nishirahamwe mpuzamakungu ryitaho
abana UNICEF.
Ø « Iterambere mubijanye nisuku bibwirizwa kwunganira
ibijanye n’ukuronka amazi meza n’isuku kuko ivyo bibuza abana babandanya
kugeramirwa n’indwara zoroshe kwikingira
nk’indwara zogucibwamwo » ivyo biremezwa nishirahamwe
mpuzamakungu UNICEF.
Ø « Dufise
amazi meza tukagira utuzu twa surwumwe hamwe n’ukugira isuku na cane cane
gukaraba n’amazi meza n’isabuni niyo
nkingi ya gatatu ishigikira ihangiro ry’amazi meza n’isuku »
« Bakivuka, iminwe
icafuye y’abakirizi irashobora kwandukiza abana imigera y’indwara zikomeye, mu buto
bwabo, haba kw’ishure canke mu mihana imuhira umugenzo wo gukaraba iminwe
n’amazi n’isabuni ni nkenerwa ku magara y’ibibondo.
Ni
imwe mu ntererano zitazimvye zoroshe kandi ngirakamaro mubijanye n’amagara meza
Ø Kubiharuro vy’ifatiro vy’ishirahamwe mpuzamakungu ONU abana barenga
800 ku 1400 bahitanwa n’indwara yo gucibwamwo biva kubukene bw’amazi meza, utuzu
twa surwumwe n’isuku rike.
Ø Mu
minsi yambere y’ubuzima abana bafise imyaka
mike nibo bakarirwa gusumba abandi n’indwara zandukira bivuye ku minwe idakaravye neza.
Ø Vyongeye gukaraba iminwe n’amazi
meza n’isabuni ni imwe mungingo zituma indwara zandukira zigabanuka
Ø Mugukaraba iminwe n’amazi meza n’isabuni kugira tugabanye bimwe
biboneka indwara zica nko gucibwamwo, indwara zoguhema nabi (inkorora, umusonga, igituntu…).
Ø Uguhimiriza
abantu benshi kubijanye n’ingaruka mbi ziturutse kw’isukurike rivuye no
kukudakaraba neza iminwe dukoresheje amazi
n’isabuni.
Ø Kubera ugukaraba neza kandi iminsi yose n’amazi n’isabuni birashobora
kugabanura incuro zibiri ibitigiri vy’abana bicwa n’indwara zo gucibwamwo.
Ø Amazi ubwayo arafasha cane mu gukinga ndetse no mukuvura indwara
nyinshi : turakoresha amazi mugukinga no kuvura indwara zo gucibwamwo
murazi ko ariyo bakoresha mugukora amazi arimwo ivyunyunyu bavuza uwurwaye
indwara zo gucibwamwo.
Ø Ugukaraba iminwe n’amazi n’isabuni igihe tuvuye mukazu
kasurwumwe n’imbere yo gufungura canke gutegura
ibifungurwa birafasha mugukinga indwarazo gucibwamwo.
Ø Musanzwe muziko iyo umuntu abuze amazi mu mubiri umubiri utakaje
amazi acashobora kwitaba imana.
Ø Mubitaro no kwamuganga barakenera amazi meza yo kunywa, kugira isuku kwiyoga gukaraba gukoropa no kumirisha imiti.
Iyo amazi akenye rero imigera y’indwara iriyongera ikandukira ihereye kumuntu
umwe ashobora kwabdukiza uwundi canke benshi
Ø Twovuga mu majambo make ko amazi meza bisigura itanduzaniro hagati y’ubuzima n’urupfu.
Ø TUMENYE KANDI KO UMUNTU ASHOBORA KUBAHO IMINSI MYINSHI ATAMFUNGURWA
AFISE MUGA ADASHOBORA KUMARA IMINISI ATA MAZI AFISE.
NONE Umuntu wese akenera amazi angana
gute buri munsi ?
ü Akenera hagati y’ilitiro rimwe n’atatu
yamazi yo kunywa, agakenera hagati y’amalitiro 2 natatu y’amazi yo gutegura no
kuronga imfungurwa, akenera amazi ari hagati y’amalitiro 6 na 7 yokugira isuku
ryumubiri wiwe akongera agakenera hagati y’amalitiro 4 na 6 y’amazi yo kumesura
ivyambarwa. Yose hamwe dusanga umuntu wese akeneye amazi ari hagati y’amalitiro
15 na 20 ku munsi .
ü Barundi ; Barundikazi, Barezi namwe
Rwaruka, bibondo arimwebwe burundibwejo, turumvise ko icivugo cu no mwaka
kitwibutsa ngo “IMINWE
YACU NIYO KAZOZA KACU”
ü TWESE HAMWE TUGIRE UMUGENZO WOGUKARABA
IMINWE N’AMAZI MEZA N’ISABUNI GUTYO TUBE TUZITIYE INDWARA ZITERWA N’ISUKU RIKE
ü BIBONDO TUGIRE AKAMENYERO KO GUKARABA IMINWE
YACU N’AMAZI MEZA N’ISABUNI
ü TWIKINGIRE INDWARA ZO GUCIBWAMWO NI ’
IZO GUHEMA NABI
ü BAVYEYI DUKARABE IMINSI YOSE IMBERE YO
GUTEGURA IBIFUNGURWA
ü DUKARABE IMBERE N’INYUMA YO GUFUNGURA
ü DUKARABE TUVUYE MUKUKAZU KA SURWUMWE
ü DUKARABE DUHEJE GUTEGURA UMWANA
ü DUKARABE IMBERE YO NKWONSA UMWANA
ü BARUNDI BARUNDIKAZI NI TUZITIRE TUTARONERWA
ü NAKARE NGO AMAGARA NI AMAZI ASESEKA NTIBAYORE VYONGEYE NI ITUNGA
RIDASUMBUSHWA
ü NIDUSANGWE AMAHORO NAMAGARA MEZA KURI
TWESE !!!!
ü MURAKOZE CAANE!!!!!!!!
Isidore Horugavye
